RSS

Zvicra shteti më i pasur në botë

25 Sep

switzerland_001_luzern1380089099Në një krahasim global Zvicra vazhdon të mbajë vendin e parë në ranglistën e vendeve më të pasura në botë, e ndjekur nga SHBA dhe Japonia.
Vitin e kaluar (2012) pasuria bruto për kokë banori në Zvicër ka shënuar një rritje për 6.2 për qind në krahasim me një vit më parë. Ajo është 141.890 euro ose 174.890 franga.

Por, sikur pasurinë, zviceranët e kanë edhe borxhin më të madh privat në botë. I ndarë për kokë banori ai është 94.000 franga.

Shtimi i pasurisë neto të ekonomive familjare të Zvicrës ka qenë madje 7.4 më i madh se në vitin paraprak. Kjo rritje e madhe është shënuar si rezultat i shtimit të vlerës së frangut. Kjo valutë, që nga kriza financiare evropiane ka fituar statusin e “valutës për ikje”, në raport me euron. Në këtë mënyrë vlera e saj është rritur për 37% në krahasim me monedhën evropiane.

Megjithëkëtë, shikuar në një periudhë më të gjatë kohore bilanci i rritjes neto të pasurisë së zviceranëve rezulton dukshëm më i ulët. Gjatë periudhës nga viti 2001 deri në vitin 2012 pasuria neto në të holla për kokë banori në Zvicër është rritur nga 0.5% në vit.
Në nivelin global, njerëzit në fund të vitit 2012 kanë qenë më të pasur se kurrëndonjëherë më parë. Pasuria e llogaritur në para e ekonomive shtëpiake, përfshirë këtu aksionet etj, ishte 111.2 bilionë euro ose 8.1 më e madhe se një vit më parë.
Këto të dhëna i ka publikuar të martën Kompania e Sigurimeve Allianz në raportin e saj “Global Wealth Report”.(botasot,tupani)

 
Leave a comment

Posted by on September 25, 2013 in News

 

Tags:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: