RSS

Norvegjia kërkon punëtorë, paga 4,500 euro

30 Jan

norvegjia-k-euml-rkon-pun-euml-tor-euml-paguar-4-500-euro_hdNorvegjisë i nevojiten inxhinierët, mësuesit – sidomos ata të shkencave natyrore – mjekët dhe infermieret, shoferët e autobusëve, kuzhinierët dhe kamerierët. Zyra evropiane për punësim, EURES, ka publikuar raportin ku thuhet se punëtorëve në profesionet e përmendura në lartë, u ofrohet paga mujore prej 4.500 euro.

Sipas raportit të EURES-it, Norvegjisë i mungojnë ekspertët për mekanikë, elektronikë, automatikë, hidraulikë dhe ata që kanë të bëjnë me instalimet dhe furnizimin me ujë. Po ashtu kërkohen edukatorët për të punuar me fëmijët parashkollorë, psikologët dhe shoferët e taksive, raporton B92, transmeton Telegrafi.

Kompanitë në Norvegji që kërkojnë inxhinierë dhe ekspertë nga fusha të ndryshme, ndër të tjera janë: “Aker” “Solutions”, “FMC Technologies”, “Statoil”, “National Oilwell Varco”, “Kvaerner”, “Kongsberg Gruppen”, “Aibel”, “Roxar” i “Fabricom”.

Raporti i EURES-it thekson se qëndrimi në Norvegji kërkon lajmërimin për leje qëndrimi për një periudhë prej tre muajsh, në stacionin e policisë lokale në vend, apo pasi shtetasit e huaj gjejnë punën e përshtatshme. I huaji mund të qëndrojë për gjashtë muaj në Norvegji, derisa të punësohet.

Studimet tregojnë se kushtet e punës në Norvegji janë ndër më humanet në botë. Punëtorët lidhin kontratën me shkrim që përfshin tre deri gjashtë muaj punë provuese, para se të firmoset kontrata afatgjate. Paga jepet çdo muaj, ndërsa punonjësit do të punojnë 37.5 në javë, ose 7.5 orë në ditë, me një maksimum prej 40 orëve në javë. Punonjësit kanë mesatarisht 25 ditë pushimi të paguar, ndërsa të gjithë ata mbi moshën 30 vjeçare kanë 30 ditë. /Telegrafi/

 
Leave a comment

Posted by on January 30, 2014 in News

 

Tags: , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: