Edhe këtë vit në Deçan u mbajt festivali mbarëkombëtar i këngës për fëmijë që përkon me rastin e Ditës së Paqes në botë. I pranishëm ishte zëvendësministri I kulturës në Ministrinë e Kulturës, të Shqipërisë, Zef Cuni dhe kryetari i Unionit artistik të kombit shqiptar, Azgan Haklaj, i cili ndau mirënjohje me titull “Nderi I Unionit” për Besiana Mehmedin dhe Shkodran Tolaj dy promotorë të artit të vërtetë dhe ruajtjes së vlerave. E veçantë ishte prezenca e bilbilit të këngës shqipe, Nexhmije Pagarusha, e cila tradicionalisht në këtë festival jep dhe çmimin e saj për solistin më të mirë. Kësaj here ky çmm shkoi në Kërcovë dhe iu dha pikërisht solistes Salije Bajrami, e cila interpretoi këngë për Nexhmije Pagarushën.
Sivjet në garë ishin 14 krijime të reja të kompozitorëve e tekst shkruesve: Selvete Krasniqi, Riza Dolaku, Qamil Aliu, Mentor Thaqi, Arta Zeqiraj, Arta Nuhiu, Defrim Beluli, Damir Imeri, Fatos Canolli, Jetmir Mehmeti, Suela Tukaj, Bardhyl Hysa, Saimir Gjoka, Shkodran Tolaj, Naim Gjoshi të interpretuara nga fëmijët e ardhur nga të gjitha hapësirat shqiptare.
Krijimet u vlerësuan nga juria profesionale në përbërje: Sabaudin Zhuta, nga Maqedonia, profesor universitar, Sami Piraj, kompozitor, drejtor në Ministrinë e Kulturës të Koosvës, Shqipe Halili, redaktore e emisioneve për fëmijë pranë RTK-së.
Cmimet për autorë u takuan: Suela Tukaj, si tekst shkruese e këngës “Dua të mbetem Piter Pan dhe Riza Dolakut si orkestrues më i mirë I këngës “Kush ka vajza botën ka”. Çmimi i festivalit Ardhmëria dhe shoqatës “Kult”, si organizatore, i takoi vajzës Vigjilenta Sertolli që interpretoi këngën e Slvete Krasniqit ”Edhe në si ti”.
Çmimet junior u ndanë në mes Erion Bajraktarit me këngën “Palaco” të Naim Gjoshit, çmimi i dytë, Orhidea Zeqirajt, me këngën “Me gjithë shpirt” të Arta Zeqirajt, çmimi i parë kuintetit Ali Gashit, Diellza e Diona Aliçka, Stina e Stinor Binakaj për këngën “Kukubeti”, të autorit Shkodran Tolaj.
U ndanë dhe tre çmime për tre solistët më të mirë: Çmimi i tretë i takoi Blendi Mustafajt, i dyti Albina Demhasajt, kurse i pari “Nexhmije Pagarusha” Salije Bajramit.
Çmimet e jurisë profesionale u vendosën duke u dhënë tre çmime të treta për Brenlisa e Saranda Nitaj ”N’krah të shqipes ilirike”, nga Ymer Baqaj ,për Albina Demhasaj për “Lule ëndërra”, kompozim i Besiana Mehmedit
dhe për motrat Anjeza, Blinera e Bujana Avdimetaj që interpretuan këngën e Riza Dolakut “Kush ka vajza botën ka”.
Çmimet e dyta u takuan Salije Bajramit për këngën “Ëndërra e Bareshës”, nga Shkodran Tolaj dhe Arnesa Kadrijajt për këngën “Shtëpia me gurë”.
Çmimi i parë jurisë profesionale i takoi Flutura Lokajt, e cila interpretoi këngën “Si Majlinda”, prodhim I produksionit dhe studios “Kult”.
Çmimi i publikut i takoi duetit Avdyl Berisha e Aurela Hasanaj, që interpretuan këngën “Heronjtë e Dukagjinit”, të autorit Shkodan Tolaj. Njëherazi ky duet mori çmimin “Dervish Shaqa”, për ruajtjen e vlerave autoktone.(teksti zeri/tupani)
Fotot nga Dubiksat
Ndarja e cmimeve Video