“Dita jonë” sa vjen e po rritet në aspektin artistik dhe teknik. Idea për të bërë këtë festival lindi në vitin 2013, kur artisti Shkodran Tolaj, I kthyer nga Gjermania kishte vendosur që të jep kontributin e tij në këtë qytet me të cilin ishte lidhur emocionalisht dhe shpirtërisht nga viti 2010. Njohja e tij me artisten Besiana Mehmedi-kërcovare e kishte bërë të eksplorojë traditën, doket, bujarinë dhe nevojat e këtij qyteti të lënë pasdore vite të tëra.Kështu nisi koncerti I fëmijëve me rastin e 1 qershorit-ditës së fëmijëve.
Nga ky koncert u ideua dhe akceptua “Dita jonë” me ardhjen e kryetarit shqiptar në krye të Komunës. “Dita joën” solli fëmijë kërcovarë të cilët u zbuluan nga ky festival e që sot vazhdojnë në edicionin e rrugëtimin në shumë festivale shqiptare duke qene prezantuesit më dinjitoz të kulturës së qytetit. Pikërisht “Dita jonë” nxiti dhe krijimin e shkollës private të muzikës në qytet të drejtuar nga maestro Tolaj dhe Besiana Mehmedi. Ndonëse vitin e kaluar ishte cilësuar nga kritika si festivali më I mirë shqiptar për fëmijë I cili I konkuron atij të Shkodrës me 54 vite traditë, drejtori Shkodran Tolaj na njofton me risitë e këtij viti. “Sivjet ështëi investuar shumë në skenografi, ndricim dhe zërim. Prezantimi I fëmijëve është bërë krejt ndryshe dhe I ngjante spektakleve të të rriturve. Në këtë festival u bashkuam shpirtërisht: Kosovë, Shqipëri e Maqedoni. Ishte prezent kori I shkollës “Ardhmëria” në Decan e cila drejtohet poashtu nga ne. Në skenë ishin diku 100 koristë të cilët krijuan lidhjen e dy qyteteve tona. Jo rastësisht vendosa që sivjet të konceptohet kështu festivali dhe të mbahet me 10 qershor. Dëshiroj që tek gjenerata e re të mbjell dashurinë për historinë dhe vlerat kombëtare. Meqë ishte dita e fundit e shkollës nuk kishte më bukur sesa të festohet në një datë kur kujtohet dhe Lidhja shqiptare e Prizrenit. Kam bindjen se dhe lidhja e dy koreve tona po dhe performanca e të gjithë fëmijëve nga trevat tona në Kërcovë, metet historike” tha Shkodran Tolaj.
Ai nuk harron pa falemnderuar të gjithë bashkëpunëtorët, televizionet shtetërore të Maqedonisë e Kosovës po dhe mediat e shkruara ndër to dhe Zhurnal për mbështetje. Falemnderon dhe prezantuesin e njohur dhe show menin Avni Qahili I cili I rriti vlerën festivalit të sivjetëm. Falemnderon bashkëpunëtorë të shumtë, individë dhe kompani si :Lindi, Instalimi, FMX production, Beni production, “Arabellën” për mikëpritjen e mbi 150 mysafirëve. Falenderon poashtu Shqipërinë për mbështetje të parezervë duke theksuar se festivalin e nderoi me prezencën e tij zv,ministri I kulturës së R. Shqipërisë z.Zef Cuni si dhe drejtori I Qendrës për Kulturë në Durrës. Tolaj, uroi të gjithë autorët të cilët sollën krijime të reja enkas për këtë festival. Uroi dhe tërë stafin e shoqatës “Kult” që vazhdimisht sjellin aktivitete të përmasave të jashtëzakoshme kombëtare. Uroi komunën e Kërcovës që mbetet promotor në shumë procese, dhe në ruajtjen e traditës së festivalit “Dita jonë” edhe në ditët më të vështira të funksionimit të saj.
Festivali “Dita jonë” u hap me himinin “Xhamadani I ri”. Më pas u interpretua kënga fituese e dicionit të kaluar “Matanë ure një fole” interpretuar nga vajza e Mitrovicës Rinesa Peci. Drejtori I festivalit në vend të fjalës përshëndetëse përzgjodhi të interpretojë së bashku me fëmijët “Rini thuaja këngës”. Ndonës për shkak të një udhëtimi zyrtar kretari I Komunës nuk isthte prezent ai kishte dërguar një telegram ku thuhej “ edhe pse larg fizikisht me mendje dhe zemër jam atje, pranë jush dhe pranë fëmijëve që I përqafoj të gjithë dhe u dëshiroj suksese. Aktivitete në kohë të tilla bartin vështirësi por së bashku arrijmë të tejkalojmë cdo sfidë dhe të japim frytet që deri dje na mungonin. Kam besim në punën që bëni dhe ska dilema se ky festival do jetë I suksesshëm. E di që në momente të caktuara dukem I rëndë, por gjithashtu e di që më kuptoni sa vështirë e kam të rimëkëmb një komunë që deri dje ishte e braktisur. Iu përshëndes nga Zvicra. Suksese të gjithë fëmijëve”. Edhe fjalimi I zv ministrit Zef Cuni ishte mjaft domethënës. I entuziazmuar nga vlera që përjetoi për së afërmi ai u shpreh” do kujtoj një strofë të një kënge që u interpretua sonte: kuq, kuq, kuq e zi, jemi veshur unë e tij, nga Decani në Uskanë, Shqipërinë e kemi nanë. Jam I lumtur që ndodhem këtu dhe po përjetoj këtë mbremje të mrekullueshme artistike. Fëmijët janë të vegjël por aktivitetet e tyre janë të mëdha. Dhe për këtë e përgëzoj Shkodran Tolajn I cili paska bërë një punë kolosale dhe aspak të lehtë. Të bashkosh fëmijët e dy qendrave Decan e Kërcovë, të sjellësh këtë nivel artistic nuk është lehtë. Urime, përgëzime dhe Shqipërinë do e keni mbas në cdo kohë në aktivitet e enivelit të tillë” tha Cuni.
Ethet e garës edhe pse fëmijët këtë festival e konsiderojnë si fesë të lumturisë, ekzistonin. Konkurimi ishte dinjitoz I ardhur nga 18 këngë nga interpretë të ndarë në kategori: junior (6-10 vjecare) dhe më të rritur (10-13 vjecare) të ardhur nga të gjitha trevat. Juria e përbërë nga personalitete të njohura të artit e kulturës z. Shqipe Halili –redaktore në emisionet e fëmijëve në RTK, kompozitori I njohur, doajen I krijimit shqip Naim Gjoshi nga Shqipëria dhe Sabaudin Zhuta-profesor universitar e kishin shumë të vështirë të vendosi cmimet duke theksuar se këngët në këtë festival janë aq profesionale dhe në stile të lloj-llojshme sa vështirë është ti kategorizosh në cmime. “Jam I lumtur që kjo gjeneratë po rritet në këtë frymë atdhedashurie. Mund të them se Tolaj është drejtori më I suksesshëm. Falë tij ky festival pa dilema është më I arrituri në pikëpamje të vlerave që sjell, jo vetem në Maqedoni po në tërë viset shqiptare. Më vjën mirë që Kërcova ka një artist si Shkodrani që I fal këtë festival kërcovarëve, duke mbetur mburrje dhe krenari për qytetin” tha professor Zhuta. Më pas ai theksoi se si cmimet e jurisë ashtu dhe publikut ishte vështirë ti ndash por me një punë të vëmendëshme nga tre anëtarët u ndanë keto cmime. Në junior: tre cmime të treta u takuan ;Zumeja Zurapit –Tetovë për këngën “Flutura në pranverë”, Olta Selimit-Gjilan për këngën “Lumturinë na e keni borgj” dhe Elena Ramabajës nga Prishtina për këngën “Një botë të bukur imagjinova”. Në dy cmimet e dyta junior u radhitën : Albanite Hoti nga Skenderaj për këngën “Motra ime” dhe Marigona Xhambazi nga Kërcova për këngën “Megjik dizajnere”. Vendi I parë në kategorinë junior I takoi djalit nga Struga Dion Rashidi për këgën “Jam kampion”.
Juria profesionale e festivalit ndau dhe tre cmime për tre këngëtarët më të mirë të festivalit.
Cmimi I tretë I takoi Adelajda Mazarit për interpretim të këngës” Zëri I nënës”, më pas cmimi I dytë I takoi Vesa Hasanaj nga Istogu për këngën “Tregim për babin” dhe cmimi parë me shumë meritë I takoi vokalit të mrekullueshëm Arbenita Cekut nga Decani për interpretim të”Këngë engjëllore”
Cmim u nda edhe për tekstin më të mirë që I takoi Suela Tukaj Mehmeti nga Tirana për “Profesionet”, kompozimi më I mirë I takoi Zulqifli Zibës për këngën “Zëri I nënës” orkestrimi më I mirë I takoi Jetmir Mehmetaj për këngën “Motër e vëlla”. Debitimi më I mirë I takoi vajzës gjashtë vjecare Albanite Hoti. Cmimi I RTK-së I takoi Engji Mustafajt nga Decani, cmimi I TVM2 I takoi Albina Bajramit nga Kërcova e cila poashtu mori dhe cmimin “kids votes” kënga më e votuar nga fëmijët-kori dhe solistët e festivalit.
Juria profesionale në kategorinë e të mëdhenjëve ndau tre cmime të treta për Albana Rijanin nga Kërcova dhe këngën “Dallëndyshe”, për Vivian Mehmetaj dhe këngën “Profesionet” si dhe për Albin Nikprelaj nga Tuzi për këngën “Dua të bëhem këngëtar”. Dy cmime të dyta u takuan decanasve Elton Tolaj për këngën “Rrugës për Uskanë” dhe Engji Mustafajt për këngën “Nuk e di”.
Cmimi I parë I jurisë I takoi Vigan Maksutit nga Tetova për këngën “Bota në duart tona” një këngë që përcjell mesazh të fuqishëm dhe porosi nga vet fëmijët të cilët botën e duan me ngjura dhe paqe. Me duartrokitje dhe brohoritje të vazhdueshme publiku I dha votën e vet dy këngëve fituese të cmimeve të publikut. “Motër e vëlla” interpretuar nga Denisa dhe Aldrin Dehari Nga Kërcova si dhe Salije Bajrami e Ylli Ajroja për këngën “Forca e bashkuar” poashtu nga Kërcova.
Në fund të festivalit të gjithë fëmijët, edhe ata në publik ashtu siq është bërë traditë morën dhurata nga festivali. Kjo mbrëmje do të ngelet për një vit në kujtesën e kërcovarëve dhe jo vetëm, kurse fonotekës së muzikës për fëmijë atë natë iu shtuan 18 krijime të reja të mrekullueshme.
(teksti Zhurnal.mk / Tupani)
(foto+video D.B.)
(PromovimiDubiks)
Arbenita Çeku -Këngë ëngjellore
Avdyl Berisha – Dyli “Rrokoko”
Kolazh Fituesit e edicioneve te kaluara