E Pandalura Rita Ora shenon seksesin e radhes!
Sic njofton Dukagjini Extra albumi “Ora”nga kosovarja Rita Ora është me i shituri i javes në Britani të Madhe.
1 Rita Ora-Ora
2 Emeli Sandé-Our Version Of Events
3 Of Monsters and Men-My Head Is An Animal
4 Elbow- Dead In The Boot
5 Paloma Faith- Fall To Grace
6 The Black Keys-El Camino
7 Plan B-Ill Manors Ost
8 fun.-Some Nights
9 Ed Sheeran-+
10 Rihanna-Talk That Talk
Emisioni “Poke” solli këtë të shtunë një prej artistëve më në zë të muzikës shqiptare, Flori Mumajesin. Në intervistën virtuale të zhvilluar nga drejtuesja Albana Osmani, Flori iu përgjigj disa pyetjeve lidhur me aktivitetin e tij artistik, zhgënjimin që ka pësuar nga sjellja e disa artistëve, jeta private dhe planet për të ardhmen.
Flori: Përshëndetje Albana!
Albana: Përshëndetje nga “Poke” në Top Channel. Është kënaqësi të shohim portretin tënd. E di që je shkëputur nga puna jote e madhe. Punon natën, punon ditën. Florin nëse e telefononi, ai del jashtë shërbimit, por gjithësesi kemi shumë gjëra për të diskutuar sot në këtë program televiziv. Së pari dua të di si kanë kaluar ditët e verës për ty?
Flori: Ditët e verës nuk kanë kaluar shumë me pushime. Kemi pasur shumë aktivitete fatmirësisht. Punë, kam bërë disa materiale muzikore edhe për veten edhe për të tjerë. Ka qenë një verë jo aq intensive, në kuptimin e koncerteve, jo vetëm për mua por për të gjithë. Por sidoqoftë, angazhimet s’kanë munguar.
Albana: Flori, pak vite më parë, kryesisht dalloheshe si producent i këngëve që me radhë shndërrohen në hite dhe këtë e konfirmojnë të gjithë shqiptarët, duke qenë se i dëgjojnë këto këngë të transmetohen në radio, qoftë në Shqipëri, Maqedoni, Kosovë dhe kudo ku jetojnë. Dhe kjo është për t’u komplimentuar. Nuk është hera e parë që i dëgjon këto fjalë, por sa herë kemi shansin e mirë për t’i thënë të tilla fjale pozivitive në i themi publikisht edhe përballë teje. Do doja shumë të dija impresionet e tua ndërsa ke qenë pjesë e këtyre tureve e koncerteve së bashku me Elvanën, një dyshe e pandarë, por edhe si solist. Tani dua të di impresionet e tua përballë fansave që tashmë sa vijnë e shtohen në numër.
Flori: Impresioni me publikun është i madh, ata i merr malli edhe një javë kur janë larg vendit të tyre. Kur i shkon pastaj aty afër, ata lumturohen, gëzohen, kështu që impresioni është shumë i mirë.
Albana: Duke i patur parasysh të gjithë bashkëmoshatarët e tu, ndoshta të shijuarit e jetës është në një dimension tjetër, ndërsa ti totalisht je i mbërthyer në studion tënde “Threedots”. Sigurisht, suksesi është i madh, megjithatë, kur fillon bën atë llogaritjen e zakonshme për fundet e viteve, ne ta drejtojmë këtë pyetje në fund të gushtit, a ja vlen?
Flori: Ka qenë një periudhë e jetës sime që ia dhash të drejtën vetes ta shijoja jetën për moshën që kisha, madje dhe më shumë se ç’duhet. Kështu që atë periudhën e çmendur të shijes, aventurave, çmendurisë, në fund të fundit të provave, sepse njeriu duhet të provojë gjithçka në jetë, mendoj se e kam kaluar. Pas asaj periudhe fillova të mendoj ndryshe, t’i shikoj gjërat ndryshe, të impenjohem pak më seriozisht dhe të rezervohem pak më shumë. Kështu që, edhe pse pjesa e jetës më mungon, ajo që më mungon dhe më vjen keq është se shumë miq të vjeter apo të rinj nuk kam kohë t’i takoj, të dal me ta, të gëzoj me ta. Kur më vijnë miq nga jashtë nuk i nxjerr dot në një klub pasi nuk dal vetë, nuk di cili është vendi më i mirë, etj. Kështu që e vetmja pjesë që më mungon është kjo. Pjesa tjetër, ajo e shijes dhe e çmendurisë, mendoj se e kam ezauruar. Jam i kënaqur. Nuk kam asnjë lloj boshti.
Albana: Për t’iu bashkangjitur pyetjes “a ja vlen”, a ja vlen dhe financiarisht Flori? A je i kënaqur?
Flori: Jam i kënaqur dhe po të mos ishin këto vlera që janë. Unë kur e kam nisur këtë gjë e kam nisur sepse e dua mbi të gjitha, sepse e ndjej, sepse e bëj me dashuri. Në raport me punën, sigurisht ‘feedback-u’ nuk është ai që duhej të ishte, pasi ju vetë e thatë, punon ditën, punon natën. U bënë gati 10 vjet që bëj të njëjtën rutinë. Besoj se për kushtet në Shqipëri, ‘feedback-u’ është i arsyeshëm, ok.
Albana: Flori, ka shumë artistë të rinj që do të donin të realizonin një këngë me ty. Cila është rruga për të të takuar ty Flori, sepse gjithmonë e hasin të vështirë?
Flori: Rruga për të më takuar mua vërtet mund të jetë e vështirë, për vetë faktin se unë edhe atë kohë takimi që njerëzit shumë herë më shkruajnë apo më kërkojnë kafe pune, nuk e bëj. Nuk e bëj për të vetmen arsye, pasi për momentin jam i zënë dhe kam një projekt të gjatë. Për momentin unë i kam mbyllur gjërat për një vit, domthënë deri në gushtin e vitit tjetër unë jam i angazhuar me projekte. I kam paracaktuar.
Albana: Deri në gushtin e ardhshëm nuk bëjmë dot këngë me ty?
Flori: Jo, i kam të paracaktuara. Por, me “Threedots” nuk punon vetëm Flori, punojnë edhe producentë të tjerë. Këtu vijnë këngëtarë të ndryshëm dhe punojnë me producentët e tjerë. Është Kledi, Ervini, është edhe Andi gjithashtu. Kështu që nuk është e thënë se në “Threedots” është vetëm Flori dhe punon vetëm Flori.
Albana: Flori, në mediat e shkruara së fundmi është publikuar një intervistë e jotja, e cila ka kaluar jo pa publik. Në mënyrë të veçantë, ti ke përdorur edhe emra specifikë duke iu referuar në mënyrë të drejtpërdrejtë, duke shfaqur opinionet e tua, pakënaqësite e tua dhe duke shfaqur mesazhin tënd për emrat që ke lakuar aty. Në këtë lidhje në Skype kam edhe kryeredaktorin e suplementit “Bluetooth”, Eraldo Rexho, i cili është në linjë paralele me ne. Përshëndetje Eraldo.
Eraldo: Përshëndetje Albana, përshendetje Flori. A ke armiq Flori?
Flori: Janë armiq të cilët mund të lobojnë apo të flasin keq për punën, për Florin, për muzikën që bën Flori, ndoshta herë pas here edhe për jetën personale. Futen dhe aq thellë dhe përballë meje nuk e reflektojnë fare këtë gjë. Sigurisht është një armik, por është një armik frikacak, është një armik pa personalitet.
Eraldo: A janë këto fjalët që këta ish-bashkëpunëtorë të tu apo ish-kolegë të flasin nëpër tavolina poshtë e lartë për ty?
Flori: Po, po, të njëjtët që kam bashkëbiseduar, të njëjtët mi kanë thënë. Pasi janë bërë 2-3 raste dhe nuk janë njerëz dosido, janë njerëz të rëndësishëm, atëherë sigurisht që e konsiderova të tillë dhe e besova në një farë mënyre, sigurisht jo 100 për qind të bisedës, por disa gjëra që qarkullojnë lartë e poshtë po.
Albana: Në shoëbiznesin ndërkombëtar këto thashetheme konsiderohen pjesë e punës, madje ndonjëherë publiciteti i keq përkthehet në një publicitet të mirë. Ti ke përdorur emra konkretë? Do të na e thuash dhe sot dhe pse koklaviten gjërat, pse nuk ka mirëkuptim?
Flori: Ishte hera e parë dhe e fundit që unë jap intervista me emra dhe mbiemra të personave të caktuar. Sinqerisht, më duket sikur e bëj gojën pis, bëj karakterin pis kur u përmend emrin atyre njerëzve.
Eraldo: Cili nga ata njerëzit që dikur i ke pasur bashkëpunëtorë të ka lënduar më shumë, apo të dhemb më shumë që ka folur këto gjëra për ty?
Flori: Nuk më dhemb asgjë. Thjesht i kam pështirë. Nuk më lëndon asgjë. Unë ia kam lënë kohës. Çdo njeri e ka një cikël. Edhe unë e kam një cikël. Çdo produkt e ka një afat skadence. Edhe unë një ditë nuk do të jem më. Uroj të mos bëj të njëjtin gabim që bëjnë ata me mua.
Albana: A kanë cënuar ata sadopak karrierën tënde në mënyrë të drejtpërdrejtë? Apo thjesht kanë qenë fjalë tavolinash të cilat nuk të kanë ardhur ëmbël edhe mirë në vesh?
Flori: Bravo, është kjo. Thjesht më ka ardhur shumë keq. E kam konsideruar një gjë të pështirë, të panevojshme për ta bërë. Nëqoftëse janë njerëzit e mëdhenj, ata duhet të tregohen sa më të thjeshtë. Njerëzit e vegjël, inferiorë fillojnë e i caktojnë vetes një pozitë të caktuar, ndoshta edhe është, por edhe nuk është. Kështu që sot është e vështirë të kesh miq në rrethet artistike. Unë jam pak i distancuar në këtë pikë. Nuk dua që të gjithë t’i bëj miq, të gjithë t’i kem motra dhe vëllezër. Unë respektoj punën e çdokujt që punon dhe nuk dua që askush të hedhi dhe e vrer mbi punën time. Kjo është gjëja që dua të them, jo se jam i lënduar apo se ata ndikojnë. Ndërsa në publik, e gjithë shtytja e madhe që ata bëjnë ndikon vetëm pozitivisht.
Eraldo: The që nuk ke shumë miqësi me artistët. Cilët prej tyre konsideron motra dhe vëllezër?
Flori: Nuk kam nisur sot të punoj, kam nisur para shumë kohëve dhe s’harroj kurrë një festival të madh. Konkurronim atëherë me grupin The Dreams dhe Manjola Nallbanin. Ishim naivë dhe shikonim këngëtarët ‘big’, i përqafonim, i puthnim, i kishim parë në programet televizive dhe me veshët tanë kemi dëgjuar se çfarë thoshin për ne ata këngëtarë, që janë akoma sot në treg për fat të mirë, apo për fat të keq. Talleshin me kalamanllëkun tonë. Ishim naivë, sigurisht. Kishim një bashkëpunim. Ata e përçmonin me fjalë të ndyra, me fjalë të pista. Por ne i donim se i kishim afër, i kishim idhuj.
Eraldo: Kam një pyetje tjetër për ty, e cila nuk lidhet me lobingjet e artistëve, por me jetën tënde private. Ke hedhur së fundmi me publikimin e këngës edhe një status, me ç’kuptova ia dedikon një personi konkret. “Te dua”, thua ti në status, bashkë me linkun e këngës “Me zemër”.
Flori: Në shumë statuse të Facebook-ut, kur unë kam lançuar materialet e mia kam shkëputur vargje nga kënga, kështu që pjesa “të dua” është pjesë e vargut të këngës. Nuk është se abuzova, por vërtet e ndjeva. Kam marrë shumë komplimente për atë këngë dhe më erdhi t’i thoja gjithë publikut “të dua”, më erdhi t’i thoja gjithëkujt që më ka çuar një urim apo një mesazh në inbox.
Albana: Në jetën tënde të kanë pyetur shumë, madje spekulohet se je i lidhur me Elvanën. Këtë pyetje nuk kam guxuar asnjëherë të ta bëj në mënyrë të drejtpërdrejtë, por sot do guxoj. Cila është e vërteta mbi atë vajzën që ti do dhe zemra jote ia dedikon fjalën “të dua”?
Flori: Akoma nuk është një vajzë që e dua dhe unë i dedikoj fjalën “te dua”. Spekulimet mbi Elvanën kanë një arsye dhe arsyeja është publike. Unë kam qenë shumë i afërt prej vitesh me të dhe akoma jam shumë i afërt fatmirësisht, jo vetëm si bashkëpunëtor, por edhe si mik, edhe si dy njerëz që e duam shumë njëri-tjetrin, e respektojmë, ia njohim vlerat, ia njohim veset, jemi shumë mirë. Spekulimet mbi Elvanën është një arsye shumë e mirë, se kur shikon dy njerëz bashkë, madje ne kemi filluar edhe t’i kursejmë vetes ndonjë përqafim që miqësisht e jepnim gjithmonë. Tani e kursejmë për faktin se dikush mund të fotografojë, të shohë… Sa i përket dashurisë, mund të them se akoma jam i padashuruar.
Albana: A do të ishte çudi nëse një ditë Elvana dhe Flori do të ishin në altar së bashku?
Flori: Edhe po të bie në dashuri nuk e mendoj altarin. E bëre shumë të fortë pyetjen.
Eraldo: Në 23 gusht ke festuar 30-vjetorin. Sa afër apo e larg e shikon sot martesën?
Flori: Nuk jam 30 vjeç, s’ndihem 30 vjeç. E shoh shuuuuuumë larg.
Albana: 28 Nëntori ku do të të gjejë?
Flori: Do preferoja shume të jem në shesh, por po erdhi Shakira nuk do të dal. Di që Andi ka lënë një datë për në shesh, por nuk jam i sigurt.
(TOP CHANNEL,Vipat)
Është rikthyer në Shqipëri pas disa vitesh shkëputje dhe po promovon albumin e saj të ri në anglisht në disa qytete të Shqipërisë. Bleona Qereti ka rrëfyer para gazetarëve se promovimi i albumit nga Shqipëria ishte një detyrim moral që ajo ndiente ndaj fansave të saj që e kanë mbështetur në fillimet e karrierës. Ndërkohë nuk ka ndier asnjë detyrim që t’u japë përgjigje disa pyetjeve, që gazeta jonë ia drejtoi publikisht, meqë do jepte konferencë shtypi.
Ende mbetet enigmë pse Bleona ndryshoi datën e lindjes në faqen e saj zyrtare, pse thotë që ka shitur më shumë albume se çdo këngëtar i Europës Juglindore dhe kur e ka dhënë koncertin për 25000 veta në Stamboll. Por pyetje të tjera kemi akoma, si p.sh: Tre milionë dollarë që Bleona ka marrë kredi për të bërë albumin e saj, më çfarë garancie ia ka dhënë banka, ndërkohë që ajo deklaron që nuk bën asnjë punë dhe mbi të gjitha si do i kthejë, ndërkohë që edhe pas kaq vitesh përpjekjeje, nuk ka shpresa për të hyrë në tregun amerikan.
Ndërkohë që ne rrimë me shpresa që mund të marrim ndonjë përgjigje, le të shijojmë këtë foto të saj ku shfaqet në prehrin e një djali me ngjyrë të cilin me siguri e ka shok… (Vipat,PanoramaPlus)
Këngëtarja e njohur Nora Istrefi, fundjavën e kaluar është fotografuar nga paparaci ynë në plazhin e Dhërmiut. Ajo ka qenë e shoqëruar nga i fejuari i saj Roberti dhe nga një vajzë tjetër e panjohur.
Ajo që na bëri përshtypje, ishte fakti se Roberti kishte bërë tatuazh në parakrah emrin e Norës. Ndërsa vite më parë, para se të lidhej me Norën, përflitej një tatuazh që kishte mbrapa në kurriz me germën A dhe thuhej se ia kishte kushtuar Adelina Ismajlit.
Me sa duket, e paska ves të vjetër gdhendjen e emrave të femrave me të cilat rri në trupin e tij.(Vipa,PanoramaPlus,Tupani)
Këto ditë në faqen e saj personale në facebook, Linda Halimi na ka bombarduar me lajmin e përgatitjeve të klipit të saj më të ri “I JUST WANNA …” . Linda ka menduar një mënyrë sipas saj inteligjente, të promovimit të klipit të ri duke joshur fansat me elementët më pak të rëndësishme që mund të evidentohen te një këngë, por edhe te klipi.
Ja p.sh. një nga deklaratat e Lindës: “Klipi im përmban shumë Ass shaking dhe shume pjesë nudo” ose tjetra “unë kam sjellë për herë të parë femra nudo në një klip shqiptar, si dhe skena lesbike”.
Dhe sipas Lindës, këto janë gjëra fresh, që thyejnë tabu dhe sjellin një ndryshim në karrierën e saj…!
Nëse kthehemi pak mbrapa në kohë, të gjithë ju besoj e mbani mend se si ka nisur karriera e Linda Halimit, këngëtares së re që vinte nga një fshat i Kosovës, me një pamje aspak tërheqëse për arsye të mbipeshës, por që menjëherë fitoi simpatinë e publikut me zërin e saj të jashtëzakonshëm.
Kjo ishte dhe arsyeja pse, me daljen e saj të parë në skenë, ajo fitoi çmimin e parë në një kompeticion muzikor ambicioz, siç ishte “Top Fest”. Besojmë se ky ka qenë një leksion i mjaftueshëm për t’i thënë Lindës se publiku shqiptar është ngopur me këngë komerciale idiote dhe klipe të rëndomta me shalë dhe gjokse të zbuluara dhe me këngëtare që nuk kanë zë. Shqiptarët kishin nevojë të dëgjonin një këngëtare të vërtetë.Prandaj e pëlqyen.
Sot të kërkosh të joshësh me elemente seksi deri edhe të rëndomta në një klip, duke i quajtur madje ato pika të forta të karrierës, nuk mund të çudisësh më askënd, pasi janë kuriozitete tashmë të shuara edhe për shqiptarët. Linda ka fatin e madh që Zoti i ka dhënë zërin e mrekullueshëm dhe për këtë arsye ajo zgjedh marketingun e gabuar për punën e saj.
Linda, mos kërko të bëhesh diletante me zor, shalët, gjokset, por edhe nudot, janë pikat e forta për ato që nuk kanë ç’të ofrojnë tjetër.(Vipat,PanoramaPlus,Tupani)
Për herë të parë gjatë 10 vjetëve, Tania Angus nga Las Vegasi, e cila lufton kundër sëmundjes së përjetshme dhe vdekjeprurëse gjigandizmi, ka pushuar së rrituri, njofton Yahoo news
Angus (33 vjeçe), e gjatë 2,1 metra dhe me peshë 181 kilogramë, tani ka njëfarë shprese për shërim. Gjatë vitit të fundit ajo ka përdorë ilaçe që e mbanin sasinë e hormoneve të rritjes në nivel normal.
– Ky është lajm i mrekullueshëm. Po ndjehem e liruar, ka thënë ajo
Angus ishte diagnostifikuar me akromegali, rast i rrallë hipofize që e shtyn trupin të prodhojë hormone të tepërta rritjeje.
Qëkur, para dy vjetësh, “ABC new” i pari e kishte emetuar rrëfimin e saj, Tania është rritur edhe 2,5 centimetra dhe është shtuar edhe me 13,6 kilogramë. Para se sëmundja e saj të merrte hov, ajo në moshën 22 vjeçare, ka qenë e gjatë 1,70 metra dhe ka peshuar 61 kilogramë.
Angus ka tumor beninj në hipofizë, por rrezatimi dhe as tri operacione nuk ndihmuan që të ndalej rritja e saj e rrezikshme. Sa nuk pati vdekur gjatë një operacioni 13 orësh, një operacion tjetër i kishte shkaktuar një sulm në tru pas të cilit dëgjon shumë vështirë. Tumori ia ka mbështjellë arterien e qafës dhe nuk ka mundësi që të operohet.
Tania është rritur aq shumë sa që mezi ecën e pishina është vendi i vetëm ku nuk ndihen dhimbje.
Mjekët thonë se kjo akromegali është njëri nga rastet më të këqija më të cilën janë ndeshur.
Në oshën 21 vjeçare ka qenë normale, vajzë e re që e donte kalërimin dhe vallëzimin. Një ditë hetoi se këpucët i shkaktonin kallo në këmbë, se pantallonat i binin të ngushta dhe se duart iu kishin rritur.
Ajo kishte punuar mbikëqyrëse në një firmë, por kur u vërejt se po rritej vazhdimisht, u pushua nga puna
tupani 